Tagged: քաղաքական Toggle Comment Threads | Ստեղնաշարի կարճատներ

  • Observer 21:41 on December 16, 2011 Permalink | Պատասխանել
    Tags: , , , քաղաքական   

    «Ո՞վ է ասել, թե գյումրեցին գիշերային ակումբների ու մերկապարուհիների կարիք չունի»

    Գյումրիից ընտրված պատգամավոր Մարտուն Գրիգորյանը՝ գերեզմանի ճանապարհին հորեղբոր որդու հիմնած գիշերային ակումբի մասին
     
  • Observer 21:38 on December 16, 2011 Permalink | Պատասխանել
    Tags: , , , , քաղաքական   

    «Ո՞վ է ասել, որ գյումրեցին նման շքեղ հյուրանոցի արժանի չէ»:

    Գյումրիի քաղաքապետ Վարդան Ղուկասյանը՝ իր նորաբաց «Ալեքսանդրապոլ» գերշքեղ հյուրանոցի մասին
     
  • Observer 00:08 on December 16, 2011 Permalink | Պատասխանել
    Tags: քաղաքական   

    «Միգուցե ԲՀԿ-ում եւ Հանրապետական կուսակցությունում նույնպես կարող են գտնվել ուժեր, որոնք հասկանում են, թե ինչքան կարեւոր է Հայաստանում ի վերջո անցկացնել ազատ եւ արդար խորհրդարանական ընտրություններ»:

    Ընդդիմադիր Հայ ազգային կոնգրեսի համակարգող Լեւոն Զուրաբյան
     
  • Observer 00:04 on December 15, 2011 Permalink | Պատասխանել
    Tags: quote, քաղաքական   

    «Ցանկացած ոք ինքն է որոշում` երբ է իր… 

    «Ցանկացած ոք ինքն է որոշում` երբ է իր արժանապատվությունը նվաստացված, վիրավորված եւ ինչ հանգամանքներում այդ արժանապատվությունը կարող է վերականգնել: Եթե եղել են ինչ-որ հանգամանքներով, որոնց դրդմամբ այդ տիկնոջ արժանապատվությունը այդպես հանկարծակի վերականգնվել է, եւ նա որեւէ խնդիր այլեւս չի տեսնում, ապա, կարծում եմ, ցանկացած գնահատական ուղղակի տեղին չէ», – ասել է «Բարգավաճ Հայաստան» կուսակցության պատգամավոր Նաիրա Զոհրաբյանը՝ մեկնաբանելով Սյունիքի մարզպետ Սուրիկ Խաչատրյանի եւ գործարար Սիլվա Համբարձումյանի միջեւ տեղի ունեցած միջադեպը։

    Հատուկ քննչական ծառայությունը, հիշեցնենք, երեկ կարճեց Սյունիքի մարզպետ Սուրիկ Խաչատրյանի դեմ հարուցված քրեական գործը` եզրակացնելով, որ մարզպետը ոչ թե ծեծել է գործարար Սիլվա Համբարձումյանին, ինչպես վերջինս պնդել է իր դիմումում, այլ ընդամենը ապտակել է: Համբարձումյանն էլ հայտարարել էր, որ որեւէ խնդիր չի տեսնում քրեական գործը կարճելու մեջ, եւ ինքը համարում է իր արժանապատվությունը վերականգնված։

    Advertisements
     
  • Observer 00:01 on December 13, 2011 Permalink | Պատասխանել
    Tags: , Լուրեր, , քաղաքական   

    ՀՀԿ-ի պատգամավորն ընտրակաշառք է վերցրել 

    «Առաջարկել են 5 հազար: Չեմ ասի, որ թեկնածուի կողմից: Մարդը մեղք չունի, որ իրեն կաշառք են առաջարկում, բայց մեղք ունի, երբ որ վերցնում է եւ պատվերը կատարում», — ասել է Հանրապետական պատգամավոր Մանվել Բադեյանը: — «Ես ասե՞մ ինչ եմ արել` վերցրել եմ, բայց իհարկե չեմ արել այն պատվերը, որ պիտի անեմ»:

    Աչքիս՝ չի ջոկել, որ խոստովանում է քրեորեն հետապնդելի հանցանք կատարելը 🙂

     
  • Observer 18:58 on October 19, 2009 Permalink | Պատասխանել
    Tags: , Ստամբուլ, , , քաղաքական   

    Ստամբուլ, Երեւան ու մի քիչ քաղաքականություն 

    Ես սիրում եմ Ստամբուլը։ Այնտեղ ինձ մի տեսակ հարազատ եմ զգում։ Զգում եմ, որ այստեղ ամեն տան, քարի, փողոցի վրա հայի աշխատանքի ու տաղանդի դրոշմը կա։ Եվրոպայի ու Ասիայի զարմանահրաշ խառնուրդ է այդ քաղաքը. ակամա հարգանքով ես լցվում այն ազգերի հանդեպ, ովքեր հիմնել ու շենացրել են այդ քաղաքը։ Հարգանքով ես լցվում նաեւ թուրքերի հանդեպ, քանի որ հասկացել են՝ սա իրենց խելքի բանը չէ, եւ չեն քանդել Կոստանդնուպոլսի հազարամյա պատերի մնացորդները, հայկական եկեղեցիները… բայց նույն Ստամբուլում փողոցներ կան, ուր մտնելիս վախից փշաքաղվում ես, զգում ես քեզ թշնամական «տերիտորիայում»։

    Սիրում եմ նաեւ Երեւանը։ Շատ եմ սիրում, աշխարհի բոլոր քաղաքներից, նույնիսկ Գյումրիից առավել, թեեւ հայ ազգի նկատմամբ առանձնապես հարգանք զգալ չի լինում այստեղ՝ քանդել են ինչ պատահի, սարքել-շինել են ոնց պատահի։ Լսել եմ բազմաթիվ քանդված մզկիթների մասին. ճիշտ է, թե սուտ՝ չգիտեմ։ Երեւանում էլ փողոցներ կան. Մաշտոց, Աբովյան, ուր մտնելիս վախից փշաքաղվում ես, զգում ես քեզ թշնամական «տերիտորիայում», հատկապես եթե հետիտն փորձում ես փողոց անցնել։

    Չգիտեմ, ինձ թվում է՝ իրար արժենք։ Իրար կողքի ապրել ենք, ապրելու ենք, եւ հուսամ, երբեւէ մի քիչ կզարգանանք ու կքաղաքակրթվենք։ Այս արձանագրություններն էլ փորձ էին քաղաքակիրթ աշխարհին Հայաստանի եւ Թուրքիայի քաղաքակրթվածության «տնազներ» ցույց տալ, բայց Ցյուրիխյան դադարը, Էրդողանի դուրս տված էշ, էշ հայտարարությունները եւ Սերժ Սարգսյանի նախացյուրիխյան ուղերձը միայն ապացուցեցին, որ արձանագրությունների եվրոպական ֆասադի տակ միայն ասիական ցինիզմն է, ուրիշ ոչինչ։

     
  • reporter-arm 13:50 on October 24, 2008 Permalink | Պատասխանել
    Tags: , , , քաղաքական   

    Մարտի 1-ի փաստահավաք խումբը ստեղծվում է 

    Սերժ Սարգսյանը կարգադրել է ստեղծել Մարտի 1-ի իրադարձություններն ուսումնասիրող փաստահավաք խումբը։

    Խմբում ընդգրկվելու են իշխող քաղաքական կոալիցիայից երկու ներկայացուցիչ, «Ժառանգության» ու Լեւոն Տեր-Պետրոսյանի կողմից մեկական ներկայացուցիչ։ Հինգերորդ ներկայացուցիչն էլ առաջադրվում է ՀՀ մարդու իրավունքների պաշտպանը։

    Ընդդիմությունը այս ձեւաչափին, կարծես, դեմ չէ։

    Խմբի գործունեության նպատակը բավականին հստակ է ձեւաերպված`

    1) 2008 թվականի մարտի 1-2-ին Երեւան քաղաքում տեղի ունեցած իրադարձություններն առաջացնող պատճառների ուսումնասիրությունը,
    2) իրադարձությունների ընթացքում ոստիկանության աշխատակիցների որոշումների եւ գործողությունների իրավաչափության ու համաչափության գնահատումը,
    3) այդ իրադարձությունների ընթացքում անձանց մահվան հանգամանքների բացահայտումը:

    Կարեւոր է նաեւ այս դրույթը՝

    Խմբի աշխատանքն իր գործունեության ամբողջ ընթացքում լուսաբանման ենթակա չէ: Խմբի նիստերն անցկացվում են դռնփակ: Խմբի անդամներն իրավունք չունեն զանգվածային լրատվության միջոցներով կամ այլ կերպ մեկնաբանել կամ բացահայտել Խմբի կողմից քննարկվող հարցերը, կատարված աշխատանքները, ձեռք բերված փաստերը, Խմբի կամ դրա անդամների կարծիքները կամ որեւէ այլ տեղեկատվություն` կապված Խմբի գործունեության հետ:

    Սպասենք արդյունքների։

    Via Reporter_Arm.

     
  • Observer 20:50 on October 23, 2008 Permalink | Պատասխանել
    Tags: , , , Ազգային Ժողով, , քաղաքական   

    Տիգրան Թորոսյան. ՙՏեւական ժամանակ Ղարաբաղի հարցը չի լուծվելու՚ 

    Ազգային ժողովի նախկին խոսնակ Տիգրան Թորոսյանը համոզված է, որ ղարաբաղյան խնդրի լուծումը շարունակելու է ձգձգվել` չնայած վերջին շրջանում հակամարտության մոտալուտ կարգավորման մասին հաճախ հնչող հայտարարություններին:

    ՙԵս համոզված եմ, որ տեւական ժամանակ Ղարաբաղի հարցը չի լուծվելու: Մի շարք դեպքեր են եղել, երբ Միացյալ Նահանգների Պետդեպարտամենտի ներկայացուցիչներ եւ այլ պաշտոնյաներ հայտարարել են, որ հարցը լուծվում է, բայց կարճ ժամանակ անց պարզ է դարձել, որ դա ոչ մի կապ չունի իրականության հետ՚, — ՙԱզատություն՚ ռադիոկայանի հետ զրույցում ընդգծեց Տիգրան Թորոսյանը: — ՙԻ վերջո` որեւէ մեկը որեւէ փաստաթուղթ չի կարող թաքուն ստորագրել, եւ ամեն ինչ փակվի: Փաստաթղթերը պիտի ներկայացվեն հանրությանը՚:

    Նախկին խոսնակը վստահ է` եթե կլինեն իսկապես արդարացի լուծումներ, հանրությունը կարձագանքի:

    ՙԱզատություն՚ ռադիոկայանի այն հարցին, թե որպես Ազգային Ժողովի նախագահ` տեղյակ եղե՞լ է այն փաստաթղթի կամ փաստաթղթերի բովանդակությանը, որոնք քննարկվել են Ադրբեջանի ղեկավարության հետ, Թորոսյանը պատասխանեց. — ՙԵս միշտ տեղյակ եմ եղել այն բոլոր իրողություններին, որոնք առնչվել են իմ պաշտոնին: Ես կարծում եմ, առայժմ գոյություն չունի որեւէ փաստաթուղթ կամ փաստաթղթի նախագիծ, որը համապարփակ է՚:

    ՙԱյնպես որ, դա եւս վկայում է, որ առջեւում ղարաբաղյան խնդրի կարգավորման հետ կապված որեւէ էական տեղաշարժ չի լինելու՚, — եզրակացրեց խորհրդարանի նախկին խոսնակը:

    Աստղիկ Բեդեւյան — «Ազատություն» ռադիոկայան

     
  • Observer 09:34 on October 10, 2008 Permalink | Պատասխանել
    Tags: , , , , քաղաքական   

    Բլոգային շաբաթն ու գլոբալ ճգնաժամերը 

    Ռուս-Վրացական պատերազմը սասանեց Արեւմուտքի քաղաքական գերիշխանությունը, իսկ ամերիկյան վարկային ճգնաժամը մարտահրավեր է նետել նաեւ Արեւմուտքի տնտեսական գերակայությանը: Աշխարհի դեմքը փոխվում է. Իսկ փոքրիկ Հայաստանն ու փոքրաթիվ հայկական բլոգերն հայտնվել են աշխարհաքաղաքական վերադասավորումների ջրապտույտում:

    «Ինձ անհանգստացնում է տարածաշրջանում ուժերի հարաբերակցությունների փոփոխությունը»,_գրում է Athanatoi բլոգը, «93 թվականից ձեւավորված ապահովության համակարգը փլուզվել է եւ լիակատար վերաձեւակերպում է ապրում: Ընդ որում, Ռուսաստանը գնալով ավելի սառնորեն է վերաբերվում Հայաստանին՝ նախընտրելով թուրք-ադրբեջանական գոտին»:

    Փոխվել է նաեւ Ամերիկայի քաղաքականությունը Կովկասի նկատմամբ, փաստում է Մարկ Գրիգորյանը. «Երեկ Բի-բի-սիին տված հարցազրույցում Մեթյու Բրայզան ասաց, որ ղարաբաղյան խնդրի կարգավորումը պետք է իրագործվի Ադրբեջանի տարածքային ամբողջականության հիման վրա», գրում է լրագրողն իր բլոգում եւ մանրամասնում. «Այս հայտարարության նորությունը կայանում է նրանում, որ, որքանով ինձ հայտնի է, ԵԱՀԿ Մինսկի խմբի համանախագահները նախկինում երբեք այս արտահայտությունը ուղղակիորեն միջազգային լրատվամիջոցներով չեն հնչեցրել»: Մտահոգված Մարկ Գրիգորյանը ենթադրում է, որ «Ադրբեջանի տարածքային ամբողջականության» մասին խոսելով Միացյալ Նահանգները պատասխան են տալիս Ռուսաստանին` Վրացական իրադարձությունների համար, սակայն ամերիկյան քաղաքականության փոփոխությունը կարող է փակուղի մտցնել ղարաբաղյան հակամարտության լուծումը:

    Ինչեւէ, համաշխարհային տնտեսական ճգնաժամը այնպիսի հարվածներ է հասցնում ԱՄՆ-ին եւ Ռուսաստանին, որ երկու գերտերությունների քաղաքական օրագարգում շուտով Ղարաբաղյան ճգնաժամի համար տեղ չի մնա: «Ռուսական ֆոնդային բորսան չորեքշաբթի կտրուկ անկում արձանագրեց»,_գրում է Kornelij Glas-ը,«Հա, մոռացա ասել. Նավթի գներն էլ $89 ցածր են իջել»:

    Շարունակվում է նաեւ ամերիկյան տնտեսական ճգնաժամը, չնայած կառավարության կողմից հատկացված $700 միլիարդ դոլարի օգնությանը, արձանագրում է ամերիկահայ բլոգեր Նազարյանը: Արդյոք կարելի՞ է խոսել ԱՄՆ-ի կործանման մասին, հարցնում է նա, անդրադառնալով բլոգերում հնչող կարծիքներին, թե ռուսական տնտեսությունը շուտով առաջ կանցնի ամերիկյանից:

    «Թվերն այլ բան են ցույց տալիս»,_գրում է Նազարյանը:.«Թեեւ մեր (ամերիկյան) ցուցանիշներն անկում են ապրել, Ռուսական ինդեքսը նույնպես ընկել է: S&P 500 ցուցանիշն ընկել է 26%-ով: Ռուսական RTS-ն անկում է ապրել 50%:

    Ռուսաստանն առաջ է անցնում ԱՄՆ-ի՞ց: Այդ երկրում կոմունիստների իշխանության գալուց ի վեր նրանց երազանքն էր հասնել եւ անցնել Ամերիկայից: Վերջին 90 տարիներին նրանք փորձում են դա անել, սակայն չեմ կարծում, որ անգամ գալիք 90 տարիների ընթացքում դա նրանց կհաջողվի: Թեեւ 1998-ից Ռուսաստանը սկսել է բարգավաճել, այդ երկրի տնտեսությունը շարունակում է թերզարգացած մնալ տեխնոլոգիաների եւ արդյունաբերության ասպարեզում: Նրա տնտեսության շարժիչ ուժը հանքարդյունահանումն է, որը չի կարող զարգացման հիմք հանդիսանալ»:

    Վերադառնանք Հայաստան: Ազգային ժողովում հնչած նախագահ Սերժ Սարգսյանի ուղերձը նույնպես ակտիվ քննարկումներ է առաջ բերել բլոգերում:

    «Գիտե՞ք ինչում է կայանում Քոչարյանի եւ Սարգսյանի տարբերությունը»,_հարցնում է Ուզողն իր ընթերցողներին.«Քոչարյանը երկիրը պատկերացնում էր որպես քաղաքական համակարգ: Սարգսյանը` որպես տնտեսական: [] Սարգսյանն ուզում է Հայաստանի խնդիրները լուծել, որովհետեւ նա տեսնում է տնտեսական դժվարություններ: Սարգսյանը մտածում է զիջումների տրամաբանությամբ, քանի որ նա փնտրում է տնտեսապես առավել ձեռնտու լուծումներ: Սարգսյանը հասկանում է, որ անլուծելի խնդիրներ չկան»:

    Նախագահի ուղերձի մասին այլ կարծիքի է Մարկ Գրիգորյանը, որն ակնկալում էր Սերժ Սարգսյանի անդրադարձը.

    • Հայաստան-Թուրքիա հարաբերություններին
    • Ղարաբաղյան հակամարտությանը
    • Վրաց-ռուսական կոնֆլիկտին
    • Մարտի 1-ի իրադարձություններին:

    «Դուրս է գալիս, որ ամենակարոր հարցերը լռության մատնվեցին»,_եզրակացնում է Մարկ Գրիգորյանը:

     
  • Observer 15:01 on May 7, 2008 Permalink | Պատասխանել
    Tags: , , , Սերժ Սարգսյան, , , , , նախագահ, , , ԼՏՊ, Լեւոն Տեր-Պետրոսյան, քաղաքական   

    Միացյալ ընդդիմության առաջնորդ Լեւն Տեր-Պետրոսյանի հաշտարար ճառը բլոգոսֆերայում տարաձայնություններ է առաջացրել 

    Ինչպես եւ սպասվում էր, ինտերնետային ուշադրությունն անցած օրերին հիմնականում սեւեռված էր ՝ մայիսի 2-ին տեղի ունեցած ընդդիմադիր ուժերի կոնգրեսում Լեւոն Տեր-Պետրոսյանի հնչեցրած առաջին հրապարակային ելույթի վրա։ մարտիմեկյան հետընտրական բռնություններից հետո:

    Ընդդիմադիր կոնգրես, 2-ը մայիսի, 2008 | Սկզբնաղբյուրը՝ Unzipped

    Կարծիք հայտնելով, որ «չի կարելի լուրջ ընդունել որեւէ անձի, ով պնդում է, որ ստացել է ձայների 65%-ը, մեղադրում է ներկա իշխանություններին մարդասպանության մեջ [], սակայն իր ասածը հաստատող փաստեր չի ներկայացնում», Martuni or Bust!!! բլոգը խորհում է ընդդիմադիր կոնգրեսի ընդհանուր ենթատեքստի եւ երկրում քաղաքական վիճակի մասին.

    Երեւում է, որ կեղծված ընտրություններից եւ մարտի 1-ի սպանություններից հետո վիճակը շարունակում է լարված մնալ: Նկատելի անհանգիստ վիճակը ավելի երկար է շարունակվում, քան ես սպասում էին եւ գուծե, ո՞վ իմանա, այս անգամ ճշմարտությունն իսկապես ջրի երես դուրս կգա եւ նրանք, ովքեր պետք է իրենց համապատասխան տեղերում դրվեն, վերջապես կստանան իրենց արժանի պատիժը:

    Ավելի համակողմանի վերլուծությամբ է հանդես եկել Կովկասյան հանգույցը, ընդհանուր առմամբ եզրակացնելով, որ «արմատական ընդդիմությունը կարծես թո պատրաստ է իշխանությունների հետ բանակցել» եւ փաստելով, որ մարտիմեկյան խռովություններից հետո Տեր-Պետրոսյանի այս առաջին հրապարակային ելույթը «ակնհայտորեն ավելի հաշտարար բնույթ է կրում»:

    Ինչեւէ, քննարկումների եւ բանակցությունների հիմք կա` Եվրոպայի Խորհրդի 1609 Բանաձեւի տեսքով: Բանաձեւը, մասնավորապես, կոչ է անում արմատական ընդդիմությանը ճանաչել Սահմանադրական դատարանի` ընտրությունների արդյունքները հաստատող որոշումը, իսկ իշխանություններին` ազատ արձակել զուտ քաղաքական հիմքերով ձերբակալված անձանց:

    Նկատելով, որ Լեւոն Տեր-Պետրոսյանը «գործնականում պատրաստակամություն հայտնեց ԵԽԽՎ երաշխավորումների շուրջ երկխոսություն սկսել», ընդդիմադիր ուժերին աջակցող Unzipped բլոգը իր անհամաձայնությունն է հայտնում ընդդիմության առաջնորդի ելույթում հնչած այն հայտարարությանը, որը ըստ բլոգի «ուղղակիորեն ընդունում է ընդդիմությանն ուղղված ԵԽԽՎ կոչը` ճանաչելու ընտրությունների արդյունքները հաստատող Սահմանադրական դատարանի որոշումը», ասելով, որ ավելի նպատակահարմար կլիներ այս կետը ընդունել որպես բանակցությունների վերջնանպատակ, այլ ոչ թե նախապայման:

    Առաջին նախագահի նկատմամբ իր ակնհայտ բացասական վերաբերմունքով հայտնի Pigh-ն էլ Տեր-Պետրոսյանի ճառից որոշ մտքեր առանձնացնելով ակնարկում է, որ այդ մոտեցումները ընդդիմության առաջնորդի «դերին» հակասում են, եւ ավելի շուտ հարիր են իշխող Հանրապետական եւ Դաշնակցություն կուսակցությունների «գործիքին».

    Հանրապետական-Գործիք

    [Կոչերից] մեկը ուղղված էր ԱՄՆ կառավարությանը եւ «Հազարամյակի Մարտահրավերներ» կորպորացիային, ում նա կոչ է անում խուսափել Հայաստանին տրամադրվող օգնությունը կրճատելուց, քանի որ դրանից կտուժի ժողովուրդը, ոչ թե իշխանությունը:

    Դաշնակ-Գործիք

    Երկրորդ [կոչը] ուղղված էր հարեւան Ադրբեջանին: Առաջին նախագահը մասնավորապես նշեց, որ Բակուն վերջապես պետք է հասկանա, «որ ինչպիսի ներքաղաքական վիճակ էլ տիրի մեր երկրում, միեւնույն է՝ Ղարաբաղի դեմ ռազմական ոտնձգություն կատարելու պարագայում կհանդիպի հայ ժողովրդի միահամուռ դիմադրությանը»:

    Հետաքրքիր է, որ ԱՄՆ աջակցությունը չկրճատելու մասին կոչը նաեւ քննադատել է ընդգծված պրո-Տեր-Պետրոսյանական կողմնորոշում ունեցող Nazarian բլոգը.

    Ես համաձայն չեմ նրա հետ եւ կշարունակեմ պնդել, որպեսզի (հուսով եմ կարճ ժամանակով) դադարեցվի Ամերիկյան հարկատուների գումարների օգտագործումը Հայաստանում ավազակապետությունն ամրապնդելու նպատակով: Որեւէ մեկի վարքագիծը փոխելու լավագույն միջոցը ֆինանսական լծակներ բանեցնելն է:

    Եւ մինչ Ուզողը տարակուսում է, թե վերջապես ինչն է դարձել «ԼՏՊ-ի աշխարհայացքի» նմանօրինակ կտրուկ փոփոխության պատճառը, Unzipped-ն էլ իր հերթին կարեւորում է իշխանությունների արձագանքը` երկխոսության այս ակնհայտ կոչին.

    Մայիսի 10-ին, երբ Սերժ Սարգսյանի ստեղծած հանձնաժողովը կներկայացնի իր գործողությունների ծրագիրը, պարզ կդառնա, թե որքանով են հայաստանյան իշխանությունները լրջորեն մոտենում անհրաժեշտ բարեփոխումների ԵԽԽՎ առաջարկներին եւ ընդդիմության հետ երկխոսություն սկսելու պահանջին:

     
c
Compose new post
j
Next post/Next comment
k
Previous post/Previous comment
r
Պատասխանել
e
Խմբագրել
o
Show/Hide comments
t
Go to top
l
Go to login
h
Show/Hide help
shift + esc
Չեղարկել