Tagged: Մարդու իրավունքներ Toggle Comment Threads | Ստեղնաշարի կարճատներ

  • Observer 15:08 on April 8, 2008 Permalink | Պատասխանել
    Tags: , Մարդու իրավունքներ, ,   

    ՄԻՋԱԶԳԱՅԻՆ ՃԳՆԱԺԱՄԱՅԻՆ ԽՈՒՄԲԸ ԱՌԱՋԱՐԿՆԵՐ Է ԱՆՈՒՄ 

    Միջազգային ճգնաժամային խումբը հայտարարություն է տարածել Հայաստանի ներքաղաքական իրավիճակի վերաբերյալ։

    «Հայաստանի թերի նախագահական ընտրություները, դրան հաջորդող խաղաղ ցույցերի մահաբեր ճնշումը, արտակարգ դրության ընդունումը եւ ընդդիմության աջակիցների բազմաթիվ ձերբակալությունները առաջացրել են խորագույն ճգնաժամ, որպիսին երկիրը չէր տեսել 1994 թ. ղարաբաղյան պատերազմից ի վեր», ասվում է հայտարարության մեջ։ Հայտարարության մեջ նշվում է նաեւ, որ «Հայաստանը պետք է ուշադրություն դարձնի ընտրական բռնությունների հարցերին, ինչպես նաեւ այլ հիմնավոր հարցերի, որոնք վերաբերում են երկրի ղեկավարմանը։ Եթե եկող նախագահը ճիշտ ուղղությամբ ընթանա, ԵՄ-ն ու ԱՄՆ-ը պետք է նպաստեն հաշտության գործընթացին ու հիմնավոր բարեփոխումներին։ Սակայն նրանք ոչ համարժեք արձագանք տվեցին թերի ընտրություններին ու մահաբեր ճնշումներին։ Միջազգային համանքը պետք է ավելի խիստ ուղերձ հաղորդի, որպես երաշխիք, որ Հայաստանը մնալու է ժողովրդավարական պետություն, որտեղ ընդդիմությունը գործում է առանց վախի, եւ որտեղ երաշխավորված են մարդու հիմնարար իրավունքները, ներառյալ՝ հանրահավաքների ու արտահայտման ազատության իրավունքը։

    Կարդացեք շարունակությունը այստեղ…

    Advertisements
     
  • Observer 21:48 on March 26, 2008 Permalink | Պատասխանել
    Tags: , Մարդու իրավունքներ, , դեբիլներ, , , , , քաղաքական ձերբակալություններ   

    Տասնյակ ձերբակալություններ Հյուսիսային Պողոտայում 

    Երեւանի Հյուսիսային պողոտայում ամենօրյա դարձած «քաղաքական» զբոսանքները ամեն օր ուղեկցվում են ձերբակալություններով։ Այսօր ոստիկանությունը քաղաքի կենտրոնական այդ վայրից բերման ենթարկեց տասից ավելի քաղաքացիների:

    Այսօր ոստիկանությունը Հյուսիսային պողոտայից բերման ենթարկեց տասնհինգ-քսան քաղաքացիների։ Ձերբակալվածների մեջ շատ էին կանայք։ Ոստիկանները նրանց ուղեկցում էին իրենց ՈւԱԶ-ներն ու մարդատար մեքենաները եւ տանում։

    Ձերբակալվածների թվում են ազգագրագետ Հրանուշ Խառատյանի տղան՝ Արսեն Խառատյանը, ով հայտնի է, որպես երիտասարդական «Սկսել ա» շարժման մասնակից, Սոցիալ-դեմոկրատական Հնչակյան կուսակցության ատենապետ Լյուդմիլա Սարգսյանը, «Ժողովրդավարական Հայրենիք» կուսակցության ղեկավար կազմի անդամ Գագիկ Ներսիսյանը։ (More …)

     
  • Observer 15:14 on March 14, 2008 Permalink | Պատասխանել
    Tags: , Մարդու իրավունքներ, , , , , , , ,   

    Հայկական ՀԿ-ները դատապարտում են վերջին զարգացումները` հատկապես լրատվության ասպարեզում 

    Մենք` ներքոստորագրյալ հասարակական կազմակերպություններս, հասկանալով իրավիճակի լարվածությունը, հարգելով օրենքի տառը` թույլ չտվեցինք Երեւան քաղաքում արտակարգ դրություն հայտարարելու մասին Հայաստանի Հանրապետության նախագահի Հրամանագրի որեւէ դրույթի խախտում եւ մինչեւ Հրամանագրի մեջ փոփոխություններ մտցնելը ձեռնպահ էինք մնում որեւէ հրապարակային գնահատականից:

    Սակայն այդ նույն ժամանակաշրջանում (2008 թվականի մարտի 1-ից 13-ը) տեղեկատվական ոլորտում եղան օրինականության եւ արտակարգ դրության ռեժիմի բազմաթիվ խախտումներ, որոնց համար պատասխանատվությունն ընկնում է մի շարք պետական կառույցների վրա: Այդ խախտումները ոչ միայն չէին ծառայում Հրամանագրի բուն նպատակի իրականացմանը, այն է` արտակարգ դրություն հայտարարելու համար հիմք ծառայած հանգամանքների վերացմանը, այլեւ հասարակության հետագա բեւեռացման, անհանդուրժողականության եւ ատելության խորացման վտանգ էին պարունակում:

    Մասնավորապես, մի շարք լրատվամիջոցներ, խախտելով Հրամանա•րի 4-րդ կետի, 4-րդ ենթակետի` «զանգվածային լրատվության միջոցների կողմից պետական եւ ներքաղաքական հարցերի առնչությամբ հրապարակումները կարող են իրականացվել բացառապես պետական մարմինների պաշտոնական տեղեկատվության սահմաններում» պահանջը, հրապարակում/հեռարձակում էին ոչ միայն պաշտոնական տեղեկատվություն, այլեւ` քաղաքական քարոզչություն, որի մեծ մասը միակողմանի էր, ընդդիմությանը վարկաբեկող ու վիրավորող: Բացի Հրամանագրի խախտումից, սա, փաստորեն, հակասում էր նաեւ համաձայնության եւ համերաշխության հասնելու իշխանությունների կոչերին:

    Նման անընդունելի լուսաբանման ամենացցուն օրինակը տալիս էր Հայաստանի հանրային հեռուստաընկերության 1-ին ալիքը (Հ1), որը ոչ միայն անտեսում էր Հրամանագրի դրույթը, այլեւ հերթական անգամ կոպտորեն խախտում էր «Հեռուստատեսության եւ ռադիոյի մասին» ՀՀ օրենքի 28-րդ հոդվածի պահանջը, այն է` «Հանրային հեռուստառադիոընկերությունում` (…) հեռարձակվող հաղորդումներում քաղաքական դիրքորոշման գերակշռությունը (…) արգելվում է»:

    Հեռուստատեսության եւ ռադիոյի ազգային հանձնաժողովը (ՀՌԱՀ), որն ըստ օրենքի անկախ կարգավորող մարմին է եւ կոչված է «վերահuկել հեռուuտաընկերությունների եւ ռադիոընկերությունների գործունեությունը» («Հեռուստատեսության եւ ռադիոյի մասին» ՀՀ օրենք, հոդված 37, մաս 1-ին), չկատարեց իր հիմնական գործառույթներից մեկը եւ չկանխեց ոչ միայն Հ1-ի, այլեւ մասնավոր հեռարձակողների մեծ մասի կողմից Հրամանագրով սահմանված դրույթների խախտումները:

    Հրամանագրի համապատասխան դրույթի խախտումներ են արձանագրվել նաեւ մի շարք տպագիր ԶԼՄ-ներում, սակայն դրանց չհետեւեց ՀՀ արդարադատության նախարարության արձագանքը: Նախարարությունը պարտավոր էր, իր լիազորությունների շրջանակներում, խախտումները վերացնելու միջոցներ ձեռնարկել:

    Չնայած Հրամանագրով մտցված սահմանափակումները գրաքննություն չէին նախատեսում, ինչը նաեւ արգելված է «Զանգվածային լրատվության մասին» ՀՀ օրենքի 4-րդ հոդվածով, այդ օրերին ոչ միայն Երեւանում, այլեւ ողջ երկրում փաստացի կիրառվում էր նախնական գրաքննություն: Դրա հետեւանքով որոշ համերկրային թերթերի տպագրությունն արգելվել էր բովանդակության պատճառով: Մի շարք հրատարակություններ, բախվելով անօրինական խոչընդոտների, հրաժարվեցին աշխատելուց, որովհետեւ հնարավորություն չունեին ներկայացնելու ընդդիմադիր եւ քննադատական տեսակետներ, այն դեպքում, երբ ընդդիմությանը վարկաբեկող եւ վիրավորող, հաճախ` ագրեսիվ արտահայտությունների հրապարակումը այլ թերթերում որեւէ կերպ չէր սահմանափակվում: Ըստ ԶԼՄ-ներից ստացված տեղեկությունների, նախնական գրաքննությունն իրականացնում էին անձինք, ովքեր ներկայանում էին իբրեւ Ազգային անվտանգության ծառայության աշխատակիցներ:

    Հրամանագրին անմիջապես հաջորդեց մի շարք ինտերնետային լրատվական կայքերի (որոնք դեռ չէին հասցրել անգամ որեւէ անդրադարձ կատարել իրավիճակին) արգելափակումը: Նման գործողությունն ընդհանրապես ապօրինի է, իսկ առանց որեւէ հիմքի արգելամիջոցների կիրառումն այս պարագայում` մենք գնահատում ենք անմեղության կանխավարկածի սկզբունքի խախտում: Այստեղ եւս դրսեւորվել էր քաղաքական խտրականություն, քանի որ արգելափակվել էին այն կայքերը, որոնք նախկինում իրենց թույլ էին տալիս իշխանությունների հասցեին քննադատական հրապարակումներ տարածել:

    Քաջատեղյակ լինելով, թե վերջին ժամանակներս ինչպիսի ճնշումների են ենթարկվում ԶԼՄ-ները, մենք ընդգծում ենք, որ այդ խախտումների համար պատասխանատվությունն ընկնում է ոչ այնքան լրագրողների, խմբագրությունների, որքան իրավասու կառույցների վրա: Վերջիններիս գործողությունները (կամ անգործությունը) հանգեցրել են այն բանին, որ Հրամանագրի «զանգվածային լրատվության միջոցների կողմից պետական եւ ներքաղաքական հարցերի առնչությամբ հրապարակումները կարող են իրականացվել բացառապես պետական մարմինների պաշտոնական տեղեկատվության սահմաններում» դրույթը ծառայեցվել է ոչ թե հասարակությանը հանդարտեցնելու նպատակին, այլ` վերածվել է խոսքի, լրատվամիջոցների ազատության հիմքերն էլ ավելի խարխլելու, տոտալիտար համակարգերին բնորոշ միակողմանի քարոզչության ավանդույթները վերականգնելու միջոցի:

    Թերթերի մի մասի լույս չտեսնելը` ստեղծված պայմաններում աշխատելուց հրաժարվելու կամ տպագրությունն արգելելու պատճառով, հանգեցրել է նաեւ տնտեսական հետեւանքների, անհավասար մրցակցության: Եվ դա տեղի է ունեցել քաղաքական հողի վրա: Թերթերի տպագրության ընդհատումն արդեն անդրադարձել է, իսկ հետագայում` էլ ավելի խիստ կանդրադառնա նրանց լսարանի վրա:

    ԶԼՄ-ների մանիպուլյատիվ օգտագործման պայմաններում խեղաթյուրված էին ներկայացվում նաեւ միջազգային կառույցների եւ պաշտոնյաների հայտարարությունները, ինչը ապակողմնորոշում էր հասարակությանը եւ Հայաստանի միջազգային հեղինակության վրա բացասաբար ազդող լրացուցիչ գործոն էր դառնում:

    Քանի որ արտակարգ դրության պայմաններում տեղեկատվական ոլորտում անօրինական դրսեւորումներն անմիջականորեն առնչվում էին ընտրություններին, ուստի դրանց համար պատասխանատվության ենթարկելը նույնքան կարեւոր է, որքան ընտրական գործընթացում խախտումներ իրականացրած անձանց պատժելը:

    Սպասվում էր, որ «Արտակարգ դրություն հայտարարելու մասին» հրամանագրի` ԶԼՄ-ներին վերաբերող դրույթի փոփոխությունը ուղղված կլիներ ընթացիկ իրադարձությունները լուսաբանելու ավելի շատ ազատություններ ընձեռելուն: Սակայն մարտի 14-ից ուժի մեջ մտնելուց հետո էլ վերոհիշյալ խնդիրներից ոչ մեկը չլուծվեց: Ավելին, փոփոխությունն ունի կամայական մեկնաբանությունների տեղիք տվող ձեւակերպումներ. մասնավորապես` «արգելվում է (…) պետական եւ ներքաղաքական հարցերի առնչությամբ ակնհայտ սուտ կամ իրավիճակը ապակայունացնող տեղեկատվություն (…) հրապարակելը կամ տարածելը»: Ընտրովի իրավակիրառման եւ հակաօրինական գործողությունների (որոնց տեղեկատվական ոլորտը բախվեց վերջին շրջանում) պայմաններում այն ԶԼՄ-ներին բավականին խոցելի է դարձնում:

    Ելնելով վերոշարադրյալից` մենք պահանջում ենք`

    — պատասխանատվության ենթարկել ՀՌԱՀ-ին եւ Հանրային հեռուստառադիոընկերության խորհրդին` հեռարձակվող ԶԼՄ-ներում անընդունելի իրավիճակի համար,

    — հետաքննել ապօրինի գրաքննություն կիրառելու, ինտերնետային կայքերը արգելափակելու հանգամանքները եւ պատասխանատվության ենթարկել այդ հակաօրինական գործողություններն իրականացնողներին ու նման հրահանգ տվողներին,

    — անհապաղ վերանայել «Արտակարգ դրություն հայտարարելու մասին» ՀՀ նախագահի հրամանագրի 4-րդ կետի 4-րդ ենթակետը:

    Միեւնույն ժամանակ, գիտակցելով, որ ստեղծված իրավիճակի եւ օրինականության կոպիտ խախտումների համար պատասխանատու` այս հայտարարության մեջ հիշատակված մարմինները գործում էին իշխանությունների վարած ընդհանուր քաղաքականության համատեքստում, մենք շեշտը դնում ենք ոչ թե պատժի խստության, այլ խախտումների եւ պատասխանատուների իրավական արձանագրման վրա: Օրենքի գերակայությունը եւ իրավական նախադեպը հատկապես կարեւոր են ապագայում խոսքի ազատության ոտնահարման որեւէ դրսեւորում բացառելու համար:

    Երեւանի մամուլի ակումբ

    Խոսքի ազատության պաշտպանության կոմիտե

    Բազմակողմանի տեղեկատվության ինստիտուտ -Հայաստան

    ԶԼՄ-ների աջակցության «Ինտերնյուս» ՀԿ

    Ժուռնալիստների «Ասպարեզ» ակումբ

    Վանաձորի մամուլի ակումբ

    Հելսինկյան քաղաքացիական ասամբլեայի Վանաձորի գրասենյակ

    Թրանսփարենսի ինթերնեշնլ հակակոռուպցիոն կենտրոն

    14 մարտի, 2008 թ.

     
  • Observer 00:34 on March 13, 2008 Permalink | Պատասխանել
    Tags: , , , Մարդու իրավունքներ, , , , State of Security   

    Ռոբերտ Քոչարյան ը հայտնել է, որ շուտով կմեղմացվեն ԶԼՄ-ների գործունեության սահմանափակումները 


    Հանրապետության նախագահ Ռոբերտ Քոչարյանն այսօր ճեպազրույց է ունեցել զանգվածային լրատվամիջոցների ներկայացուցիչների հետ: Ի թիվս այլ հարցերի` լրագրողները փորձել են նաեւ ճշտել տեղեկությունն այնմասին, ըստ որի` Լեւոն Տեր-Պետրոսյանը դիմել է իշխանություններին մարտի 21-ին հանրահավաք անցկացնելու թույտվություն ստանալու նպատակով:ՙԿարծում եմ մի քիչ ժամանակ է պետք հանգստանալու՚,-նշել է երկրիղեկավարը` հայտարարելով. ՙԵրբ հասարակությունը բավականաչափ բեւեռացված է եւ ընդամենը 11 օր առաջ մենք, իբրեւ հանրահավաքի հետեւանք, ունեցել ենք լուրջ բախումներ եւ կորուստներ, հանրահավաքների մասինխոսելն այսօր ուղղակի անհեթեթություն է եւ սադրանք՚: Երկրի ղեկավարը հայտնել է, որ վերանայվում է եւ շուտով կմեղմացվեն ԶԼՄ-ների գործունեության սահմանափակումները, իսկ արտակարգ դրության ռեժիմըերկարացնելու որեւէ նպատակ առայժմ չկա: Նախագահ Ռոբերտ Քոչարյանի խոսքով` դա նշանակում է, որ արտակարգ դրությունը մեղմացնելու մոտեցումը շարունակվելու է:Անկասկած, վերջին իրադարձություններն իրենց ազդեցությունն են ունեցել նաեւ երկրի տնտեսության վրա: Հայաստանի նախագահ Ռոբերտ Քոչարյանն անդրադառնալով այս հարցին` նկատեց, որ նման զարգացումներնառաջին հերթին հարվածում են տուրիզմի ոլորտին: Ներկայումս տուրիստների հոսքը Հայաստան էապես նվազել է ու տուրիստական գործակալություններն ահազանգում են, որ առաջիկա մի քանի ամիսների համար արդենձեւավորված տուրիստական փաթեթներից, ուղղակի, կան հրաժարվողներ: Սա այն դեպքում, երբ անցած տարի Հայաստան ժամանած զբոսաշրջիկների թիվը հատել է 500 հազարի սահմանագիծը: 510 հազար զբոսաշրջիկ էրնախորդ տարի հյուրընկալել մեր երկիրը: ՙԻսկ տուրիզմը բիզնեսի այն բնագավառն է, որտեղ եկամուտներն առավել հավասարաչափ են վերաբաշխվում երկրում. կարելի է ասել` տնտեսության մեջ ամենաժողովրդավարականոլորտն է, որից շահում են բոլորը` սկսած տաքսու վարորդից, տարբեր սուվիներներ արտադրողներից, վերջացրած կրպակի տիրոջով ու արվեստի աշխատողներով՚,- նկատեց երկրի ղեկավարը: Ափսոսանքով եմ ասում, բայց այն, ինչ կատարվեց խփեց մեր ժողովրդի գրպանին եւ անկարգություններ հրահրողները մտել են ՀՀ յուրաքանչյուր քաղաքացու գրպանը: Անկասկած: Նորընտիր նախագահը եւկառավարությունը, որը պետք է ձեւավորվի ապրիլի 9-ից հետո պետք է շատ ակտիվ միջոցառումներ ձեռնարկեն երկրի համբավը վերականգնելու համար: Տուրիստներին կայուն երկիր է պետք եւ սա է առաջին անհրաժեշտպայմանը: Այդ կայունության նկատմամբ վստահությունը վերականգնելու ուղղությամբ շատ ակտիվ միջոցառումներ երկրում պետք է իրականացվեն, ինչը բխում է բոլորի, յուրաքանչյուր քաղաքացու շահերից՚,-ասացնախագահը:Անդրադառնալով արտակարգ դրության պայմաններում զանգվածային լրատվամիջոցների գործունեության սահմանափակումների վերանայման հարցին` նախագահ Ռոբերտ Քոչարյանը նախ հիշեցրեց, որ իր մամուլիխոսնակն օրեր առաջ արդեն հայտարարել էր, որ այս մասով տեղի էր ունենում վերանայում, ապա` նաեւ տեղեկացրեց.ՙ Այսօր երեկոյան, կամ վաղը առավոտյան ես կստորագրեմ մի հրամանագիր, որով մոտեցումը կփոխվի:Հիմա արտակարգ դրության շրջանակներում մենք ձեզ ասում ենք, թե ներքաղաքական իրավիճակի վերաբերյալ դուք ինչ կարող եք անել: Հրամանագիրը ստորագրելուց հետո մենք ձեզ ասելու ենք` ինչ չի կարելի անել: Շատնեղ են լինելու այդ սահմանափակումները, որոնք միայն վերաբերելու են սադրիչ գործողությունների, ակնհայտ սուտ լրատվության տարածմանը եւ դուք բոլորդ շատ ավելի ազատ եք լինելու` ձեր կարծիքը արտահայտելու, մոտեցումները, վերլուծականները: Ուղղակի պետք է ավելի ուշադիր լինեք եւ միայն ստուգելուց հետո լուրերի հատվածով հրապարակեք, պատասխանատվության զգացումը պետք է ավելի բարձր լինի, որ ձերգործունեությունը չվնասի երկրի կայունությանը: Սա է լինելու մոտեցումը եւ դեռ որեւէ նպատակ արտակարգ դրությունը երկարացնելու չունենք՚: ՙԴա նշանակում է, որ արտակարգ դրությունը մեղմացնելու մոտեցումը շարունակվելու է՚,-ասաց երկրի ղեկավարը` նաեւ տեղեկացնելով, որ մինչ օրս արտակարգ դրության ռեժիմի խախտման որեւէ միջադեպ չի եղել,վիճակը հանգիստ է եւ վերահսկվում է ամբողջությամբ: ՙԱկնկալում եմ ձեզանից նաեւ ըմբռնումով մոտենալ ժամանակավոր սահմանափակումներին՚,-լրագրողներին դիմեց երկրի ղեկավարը:Ընդհանուր առմամբ գնահատելով երկրի ներքաղաքական մթնոլորտը` Ռոբերտ Քոչարյանն ասաց.ՙԱպշեցնում են բանբասանքների ծավալը եւ շատ դեպքերում նաեւ բովանդակությունը: Ուղղակի զարմանում ես, թե ինչպեսեն նման կարգի բանբասանքներ տարածվում եւ ինչու է, ընդհանրապես, այս երեւույթն առկա մեզանում: Միգուցե նաեւ է, որոշակի լրատվության պակասն է:Նախագահի համոզմամբ` ԶԼՄ-ների գործունեության սահմանափակումներին վերաբերող սպասվելիք հրամանագիրը ինչ-որ տեղ հնարավորություն կտա տալ այդօրինակ հարցերին լուծում:Ներքաղաքական վերջին իրադարձությունների համատեքստում Հայաստանի արտաքին քաղաքականության, մասնավորապես, ԼՂ հիմնահարցի կարգավորման մասին խոսելով` Ռոբերտ Քոչարյանը նկատեց, որ որքան թույլլինի Հայաստանը եւ երկրի նախագահը որքան ավելի թույլ դիրքերից հանդես գա, այնքան ավելի մեծ կլինի նման երկրին եւ նման նախագահին ճնշելու գայթակղությունը:
     
  • Observer 16:06 on May 8, 2007 Permalink | Պատասխանել
    Tags: Մարդու իրավունքներ, , ,   

    Հանցագործություններ, քաղաքականություն, կրոնական փոքրամասնություններ և ընդհակառակը 

    «Այսօր Հայաստանում դժվար է տարբերություն գտնել քաղաքական և հանցագործ գործունեության միջև։ Հանցագործ աշխարհի ներկայացուցիչները սերտաճած են իշխող ՀՀԿ–ի հետ և օգտագործվում են ընտրողներին և ընդդիմությանը ահաբեկելու համար, որպես պարգև թողտվություն ստանալով վարվել ուզածի պես իրենց տնտեսական գործունեության ասպարեզում», մտորում է Nazarian–ը քննարկելով ընտրարշավի ընթացքում տեղի ունեցած հերթական սպանությունը, սակայն հավելելով, որ դեռևս պարզ չէ, արդյո՞ք այս հերթական հանցագործության հիմքում էլ է ընկած քաղաքականությունը, թե սա պարզապես հերթական հաշվեհարդարն է։

    Մինչ Երևանի փողոցներում իրական հանցագործները ամենայն ջանադրությամբ զբաղված են ընտրարշավով, Bekaisa ուշադրություն է հրավիրում Ֆորում 18 կազմակերպության վերջին զեկույցի վրա, ըստ որի այս պահին Հայաստանում կա 72 խղճի բանտարկյալ՝ հիմնականում Եհովայի Վկաներ և Մոլոկաններ, ովքեր հրաժարվում են ծառայել ՀՀ բանակում և պնդում են, որ ՀՀ Այլընտրանքային զինծառայության օրենքը և դրա իրագործումը ՀՀ ՊՆ–ի կողմից այս կրոնական աղանդների ներկայացուցիչներին չի ընձեռում լիարժեք հնարավորություններ ծառայել՝ հավատարիմ մնալով իրենց համոզմունքներին։

    E-channel բլոգը նույնպես հետաքրքրվել է Եհովայի Վկաներով, և բլոգեր Blansh–ի հրապարակած տվյալներով այս կրոնական համայնքի 10,000 ներկայացուցիչներ չեն մասնակցի ՀՀ Խորհրդարանական ընտրություններին.

    «Եհովայի վկաներ» աղանդին հարող քաղաքացիները ընտրություններին չեն մասնակցի: Վերջիններիս խոսքերով իրենք արդեն իրենց ընտրությունն արել են, ընտրել են Աստծուն (ոչ մի տեսակի ընտրությանը չմասնակցելը իրենց ուղղության առանցքային կետերից է):

     
  • Observer 11:21 on April 30, 2007 Permalink | Պատասխանել
    Tags: Մարդու իրավունքներ,   

    Հիմա ո՞վ է խաղեր տալիս, ԱՄՆ Պետքարտուղարությո՞ւնը, թե՞ ՀՀ Արտգործնախարարությունը… 

    ԱՄՆ Պետդեպարտամենտը երկրորդ անգամ է փոփոխության ենթարկել իր հակասական զեկույցը՝ Հայաստանում մարդու իրավունքների վերաբերյալ։ Kornelij Glas-ը ուշադրություն է հրավիրում այն փաստի վրա, որ Զեկույցում Ղարաբաղին վերաբերվող հատվածը կրկին ձևակերպված է հեևյալ կերպ. Armenia continues to occupy the Azerbaijani territory of Nagorno-Karabakh and seven surrounding Azerbaijani territories(Հայաստանը շարունակում է օկուպացված պահել Ադրբեջանական տարածքները, այդ թվում՝ Լեռնային-Ղարաբաղի և այն շրջապատող յոթը Ադրբեջանական շրջանները), և նրանց համար, ովքեր դժվարանում են հավատալ իրենց տեսածին, տրամադրում է հղում զեկույցի տեքստին։

     
  • Observer 11:09 on April 27, 2007 Permalink | Պատասխանել
    Tags: , Մարդու իրավունքներ, , , , , , , ,   

    Հայաստանյան Ուոթերգեյթը բոլորի համար աննկատ անցավ 

    Երբ «Գոլոս Արմենիի» թերթը հրապարակեց «Մարկո Պոլոյում՝ սեղանի շուրջ» վերնագրով հոդվածը, իսկ հանրային հեռուստատեսությունը մեծ ոգևորությամբ սկսեց գովազդել այն որպես «նախընտրական առաջին սկանդալ», ես այնքան էլ չզարմացա. էլ ինչ ընտրություն առանց սկանդալ։ Ինձ համար առանձնապես հետաքրքիր էր, որ E-channel–ում հրապարակված այս հոդվածում քաղաքական տեխնոլոգիաների մասնագետ Արմեն Բադալյանը նույնիսկ փորձ էր արել սկանդալը վերագրել հենց իրեն՝ Արթուր Բաղդասարյանին. (More …)

     
  • Observer 16:06 on April 17, 2007 Permalink | Պատասխանել
    Tags: Մարդու իրավունքներ,   

    ՀԿ-ները դեմոկրատիայի հրեշտակներ, թե՞ հեղափոխության սատանաներ 

    Kornelij Glas-ը վերահրապարակել է Nezavisimaya կայքից մի հոդված, որում քննարկվում են մի շարք հետխորհրդային երկրներում գործող հասարակական կազմակերպությունները, այդ թվում` Հայաստանյան, Վրացական և Ադրբեջանական ՀԿ-ների ընդհանուր իրավիճակը.

    По сообщению Ереванского пресс-клуба, законодательство, регулирующее деятельность неправительственных организаций Армении, достаточно либерально. Позитивно оценивается их взаимодействие с ветвями государственной власти и СМИ. Что касается права на свободное проведение собраний, митингов, то, за исключением событий, связанных с силовым подавлением демонстрации оппозиции 12–13 апреля 2004 года, особых проблем в этой сфере нет. НПО предприняли тогда энергичные действия по защите арестованных активистов манифестации.

    Армянские НПО активны и в сферах обеспечения права на частную собственность, защиты от экономической эксплуатации, создания и функционирования профессиональных организаций. Широкий резонанс вызвали события, связанные с нарушением прав домовладельцев на столичной улице Бюзанда, собственность которых была незаконно отчуждена. Демонстрации пострадавших и широкая поддержка НПО привели к тому, что Конституционный суд признал не соответствующими Основному закону нормативно-правовые акты, принятые правительством РА по этому вопросу.

    Армянские НПО работают и в области защиты граждан от полицейского террора. Однако система физического насилия и пыток, особенно на стадии предварительного заключения, в Армении традиционно процветает.

    Порядок регистрации общественных организаций в Армении весьма либерален. Вместе с тем в обществе существуют опасения, что намечаемые изменения в действующий Закон «Об общественных организациях» могут ввести дополнительные формы госконтроля над их деятельностью, как это было сделано в России.

    Потенциал «третьего сектора» снижает и присутствие на этом поле так называемых «ГОНГО» (GONGO), т. е. «правительственных НПО», основанных чиновниками разного ранга или их родственниками, которые по протекции «выигрывают» конкурсы на гранты, предоставляемые государством. Вместе с тем существенной проблемой остается тот факт, что правозащитная деятельность армянских НПО осуществляется в основном за счет зарубежных грантов, что чревато ее общим упадком в случае, если такая поддержка по каким-либо причинам сократится или прекратится.

     
  • Observer 19:50 on April 13, 2007 Permalink | Պատասխանել
    Tags: Մարդու իրավունքներ, , , , , , , , ,   

    Շուրջպար` Բաղրամյան-Դեմիրճյան խաչմերուկում 

    Bekaisa-ի կողմից հրապարակված ֆոտո-պոստին հետևեց Anoush Armenia-ի հոդվածը երեկ, «12-ը ապրիլի, 2007, ժամը 7:30-ի կողմ, մոտ 20 հայերից բաղկացած մի խումբ հավաքվեց Բաղրամյան և Դեմիրճյան պողոտաների խաչմերուկում, և մի քանի րոպեով  վազեցին դեպի փողոցների հատման կետը, որպեսզի շուրջպար բռնեն»:

    Պարի նպատակն էր իշխանություններին հիշեցնել «2004թ. ապրիլի 12-ի իրադարձությունները, երբ Հայաստանի հազարավոր քաղաքացիներ լցրեցին Բաղրամյան պողոտան, շաժվելով դեպի Խորհրդարանի շենքը, ի նշան կեղծիքներով անցած ընտրությունների դեմ բողոքի և կոչ անելով Նախագահին հրաժարական տալ: […] Դրանից քիչ անց ցույցը ցրվեց ռազմական ոստիկանության կողմից բոլորովին անհարկի, անպատասխանատու և կոպիտ ուժի գործադրմամբ»: (Anoush Armenia)

    «Չվախե’ք» ասում է Bekaisa-ն իր բլոգ-պոստում, «նրանք չեն հանդուրժի, որ այս երկրի իշխանությունները ճնշումներ գործադրեն իրենց համաքաղաքացիների նկատմաբ ոչ 1996, ոչ 2004, ոչ 2007 և ոչ էլ 2008 թվին», ավելացնում է Anoush Armenia:

    Ինչևիցէ, չնայած բլոգոսֆերայում բարձրացած աղմուկին, լրատվամիջոցները այս ակցիայի նկատմամբ հիմնականում անտարբեր մնացին, բացառությամբ A1plus-ի, որը բավականին ընդարձակ հոդված հրապարակեց այս մասին:

     
  • Observer 12:38 on April 12, 2007 Permalink | Պատասխանել
    Tags: Մարդու իրավունքներ, , , , ,   

    Հայաստանը ավելի առաջնային է համարում տնտեսական աճը, քան թե մարդու իրավունքների պաշտպանությունը 

    Ինչպես Kornelij Glas-ը, այնպես էլ Hyelog-ը հոդվածներ են վերահրատարակել ՀՀ նորանշանակ վարչապետ, նախկին պաշտպանության նախարար Սերժ Սարգսյանի՝ Բրյուսելում արտահայտած տեսակետի մասին, ըստ որի Հայաստանի համար տնտեսական աճը առավել կարևոր է մարդու իրավունքների պաշտպանության խնդիրներից.

    «Դժվար է խոսել ժողովրդավարության և մարդու իրավունքների պաշտպանության մասին, երբ նախ կարիք կա լուծել ազգաբնակչության սոցիալական և տնտեսական խնդիրները», նշել է վարչապետը Բրյուսելյան իր այցի ընթացքում։

     
c
Compose new post
j
Next post/Next comment
k
Previous post/Previous comment
r
Պատասխանել
e
Խմբագրել
o
Show/Hide comments
t
Go to top
l
Go to login
h
Show/Hide help
shift + esc
Չեղարկել