Հայաստանից դուրս գտնվողների ընտրական իրավունքը պաշտպանող չկա՞

Հայաստանի սահմանադրական դատարանը մերժել է ՀՀ նախագահի պաշտոնի թեկնածու, ԼՂՀ նախագահի նախկին խորհրդական Արման Մելիքյանի հայցի քննարկումը։

Հիշեցնենք, որ Արման Մելիքյանը Սահմանադրական դատարան էր դիմել` վիճարկելով 2007 թվականի փետրվարի 26-ին ՀՀ ընտրական օրենսգրքի 2-րդ հոդվածի 2-րդ կետում կատարված փոփոխությունների եւ լրացումների սահմանադրական լինելը, որոնց համաձայն, Հայաստանի սահմաններից դուրս գտնվող երկրի քաղաքացիները զրկված են ընտրություններին մասնակցելու իրավունքից։ Մելիքյանի կարծիքով, վերը նշված փոփոխությունները խախտում են քաղաքացիների ընտրական իրավունքը, որն ամրագրված Սահմանադրությամբ։ Ինչպես այսօր ԱրմԻնֆոյի թղթակցին հաղորդել են Հայաստանի սահմանադրական դատարանում, Արման Մելիքյանի հայցի քննարկումը մերժվել է, քանի որ դա Սահմանադրական դատարանի լիազորությունների մեջ չի մտնում։

Երեւան։ 04.02.08։ ԱրմԻնֆո։