Կրճատվել է էժան մեքենաների ներմուծումը Հայաստան

Մեքենաները շարունակում են թանկանալ, դոլարը շարունակում է ընկնել, մարդիկ շարունակում են անիմաստության հասնող թանկ գներով առնել ամեն տեսակ զիբիլ մեքենաներ, իսկ Երեւանում շարունակվում է խելահեղ երթեւեկությունը…

2007 թվականին մարդատար ավտոմեքենաների ներմուծումը Հայաստան 2006 թվականի համեմատությամբ ավելացել է 32,5 տոկոսով` հասնելով մինչեւ 34672-ի 2006 թվականի 26152 մեքենայի դիմաց, ԱրմԻնֆո գործակալությանը հաղորդել են ՀՀ մաքսային կոմիտեի մամուլի ծառայությունում։ Աղբյուրի տվյալներով, հաշվետու ժամանակահատվածում կրճատվել է ռուսական մեքենաների եւ մինչեւ 5 հազար դոլար արժողությամբ օգտագործված մեքենաների ներկրումը։ 2007 թվականին հանրապետություն է ներկրվել ռուսական արտադրության 6875 մեքենա` 2006 թվականի 7300-ի դիմաց։

Մաքսավորները 5 հազար դոլարը չգերազանցող արժեքով հին մեքենաների ներկրման կրճատումը պայմանավորում են այն հանգամանքով, որ 2007 թվականի հունվարի 1-ից օգտագործված ավտոմեքենաների ներմուծումը Հայաստան ենթակա է հարկման լրացուցիչ առաջադեմ հարկով` բնապահպանական վճարումների տեսքով։ Որքան հին է մեքենան, այնքան ավելի շատ են վճարում դրա մաքսազերծման ժամանակ։

Մխիթարեց մի բան՝ պակասել է ռուսական արտադրության մեքենա կոչվող թյուրիմացությունների ներմուծումը:

Advertisements