РАКУРС СОСТОИТСЯ ЛИ ВОЗВРАЩЕНИЕ К ЖУРНАЛИСТИКЕ?

На фоне грустных событий и постыдных поступков последних недель забрезжил светлый лучик. Марафон по сбору средств для гюмрийской телекомпании “ГАЛА”, подвергающейся многомесячным преследованиям властей, показал, что люди умеют отличать актуальную информацию от промывания мозгов, что они умеют дорожить теми маленькими демократическими завоеваниями, которые им достались. Наши гюмрийские коллеги - “ГАЛА” и Клуб журналистов “Аспарез”, который инициировал кампанию в поддержку телеканала, посрамили столичных мэтров от тележурналистики, оправдывающих свою ангажированность тем, что независимое слово в Армении ничем и никем не защищено.

Лишь одна камера (телекомпании “Еркир-медиа”) снимала пресс-конференцию в Ереване, организованную в связи с поджогом автомобиля, которым пользовался председатель Совета “Аспарез” Левон Барсегян, и беспрецедентным сбором средств для “ГАЛА”. Остальные - более десятка столичных телекомпаний и как минимум столько же провластных общенациональных газет - посчитали эту новость “не заслуживающей внимания”.

Տասնյակ ձերբակալություններ Հյուսիսային Պողոտայում

Երեւանի Հյուսիսային պողոտայում ամենօրյա դարձած «քաղաքական» զբոսանքները ամեն օր ուղեկցվում են ձերբակալություններով։ Այսօր ոստիկանությունը քաղաքի կենտրոնական այդ վայրից բերման ենթարկեց տասից ավելի քաղաքացիների:

Այսօր ոստիկանությունը Հյուսիսային պողոտայից բերման ենթարկեց տասնհինգ-քսան քաղաքացիների։ Ձերբակալվածների մեջ շատ էին կանայք։ Ոստիկանները նրանց ուղեկցում էին իրենց ՈւԱԶ-ներն ու մարդատար մեքենաները եւ տանում։

Ձերբակալվածների թվում են ազգագրագետ Հրանուշ Խառատյանի տղան՝ Արսեն Խառատյանը, ով հայտնի է, որպես երիտասարդական «Սկսել ա» շարժման մասնակից, Սոցիալ-դեմոկրատական Հնչակյան կուսակցության ատենապետ Լյուդմիլա Սարգսյանը, «Ժողովրդավարական Հայրենիք» կուսակցության ղեկավար կազմի անդամ Գագիկ Ներսիսյանը։

«ԳԱԼԱ TV»-ԻՆ ՎՃԱՐԵՑ ՀԱՐԿԱՅԻՆ ՏԵՍՉՈՒԹՅԱՆ ՏՈՒՅԺՆ ՈՒ ՏՈՒԳԱՆՔԸ

Գյումրիի «Գալա» հեռուստաընկերության համար իրականացվող հեռուստամարաթոն-դրամահավաքը հաջողությամբ ավարտվեց։ Անհրաժեշտ գումարը հավաքվեց եւ ամբողջությամբ փոխանցվեց հարկային տեսչություն։

Դրամահավաքի այս օրերի ընթացքում հեռուստաընկերությանն է փոխանցվել 26 միլիոն 458 հազար 500 դրամ։ Այդ ամբողջ գումարը տրվել է ԴԱՀԿ-ին։ Մնացած մոտ 441 հազար դրամ գումարը կգանձվի հեռուստաընկերության հաշվեհամարից, որտեղ կա կուտակված 540 հազար դրամ։

2008 թ. մայիսին կհայտարարվի Հայաստանում բջջային կապի երրորդ օպերատորի ներգրավման հայտամրցույթ

2008 թ. մայիսին կհայտարարվի Հայաստանի հեռահաղորդակցության շուկա բջջային կապի երրորդ օպերատորի ներգրավման միջազգային հայտամրցույթ: Այդ մասին ԱրմԻնֆո-ի թղթակցին հաղորդել են ՀՀ տրանսպորտի և կապի նախարարության մամլո ծառայությունում:

Աղբյուրի տվյալներով, հայտամրցույթում կվիճարկվի ՀՀ-ում GSM 900/1800 ստանդարտով բջջային կապի ծառայությունների մատուցման համար լիցենզիայի և ռադիոհաճախությունների ստացման իրավունքը: Հայտամրցութային հանձնաժողով, որը գլխավորում է ՀՀ տրանսպորտի և կապի նախարար Անդրանիկ Մանուկյանը, հայտեր կարող են ներկայացվել մրցույթի հայտարարման պահից 90 օրվա ընթացքում: Նախարարությունում նշել են, որ դեռևս ճշտված չեն մրցույթի պայմանները և մեկնարկի ժամկետը:

Հիշեցնենք, որ ներկայումս Հայաստանում բջջային կապի ծառայություններ են մատուցում ՙԱրմենՏել՚ ՓԲԸ-ն /ռուսաստանյան ՙՎիմպելԿոմ՚ ԲԲԸ 100% դուստր ընկերությունը/ և ՙՂ-Տելեկոմ՚ ընկերությունը` VivaCell ապրանքանիշով (բաժնետոմսերի 80%-ը պատկանում է ռուսաստանյան МТС օպերատորին): Ըստ փորձագիտական գնահատման, 2007 թ. վերջին բաժանորդների թիվը կազմել է 1,9  մլն, այդ թվում`ՙVivaCell՚ ընկերության 1,2 մլն և ՙԱրմենՏել՚ ընկերության `700 հազար բաժանորդ: Հայաստանում բջջային կապի ներթափանցումը 2007 թ. վերջի դրությամբ գնահատվում է 65%:

Հայաստանում այսօր խոսքի ազատության տոն է`ԳԱԼԱ ՀԸ-ն չի փակվի

Մարտի 25-ին Ժամը 17:15-ին ԳԱԼԱ Հեռուստաընկերությունը, Խոսքի ազատության եւ ԳԱԼԱ ՀԸ պաշտպանուևթյան շտաբը Ազատությունը հարգող եւ գնահատող հանրության, մոտ 1 տասնյակ հազար հայորդիների եւ այլազգի բարեկամների շնորհիվ ետ մղեց Հարկային տեսչության 161 օր տեւած գրոհը մինչեւ ելման դիրքեր:

ԳԱԼԱ ՀԸ հիմնադիր «ՉԱՊ» ՍՊԸ-ն Համահայկական հանգանակության շնորհիվ կարողացավ ԴԱՀԿ-ին վճարել ՀՀ ԿԱ Հարկային պետական ծառայության նկարած եւ ՀՀ Վարչական դատարանի արտանկարած 26.899.986 դրամ (մոտ 90.000 ամերիկյան դոլար) «պարտքը»:

ԱՐՏԱԿԱՐԳ ԻՐԱՎԻՃԱԿԸ՝ ՀԱՅԿԱԿԱՆ ԲԼՈԳԵՐԻ ԾԱՂԿՄԱՆ ՇՐՋԱՆ

Երեւանում հայտարարված արտակարգ իրավիճակը արտակարգ էր նաեւ հայ բլոգերների համար։ 20 օրերին, երբ թերթերից ու ինտերնետային պարբերականներից շատերը լույս չէին տեսնում, բլոգոսֆերան դարձել էր այլընտրանքային տեղեկություն որոնելու ու տարածելու հիմնական տիրույթը:

Թեեւ բլոգերը «ԶԼՄ մասին» օրենքով եւս լրատվամիջոց են ու պարտավոր էին ենթարկվել արտակարգ դրության մասին հրամանագրին, միայն մի քանի բլոգեր դադարեցրին գործունեությունը կամ սահմանափակեցին գրառումների մատչելիությունը։

Հայկական բլոգոսֆերան միատարր չէ, շատերը գրում են արտերկրից եւ դուրս էին արտակարգ դրության սահմանափակումներից,- ասում է Արթուր Պապյանը, ով որպես հայկական բլոգերի դիտորդ հետեւում է բլոգային անցուդարձին։ - Նաեւ կային ակնհայտ իշխանամետ դիրքորոշում ունեցող բլոգերներ, ովքեր հենց սկզբից հայտարարեցին, որ թքած ունեն սահմանափակումների վրա ու շարունակելու են գրել։ Օրինակ Pigh-ը, որ Livejournal-ի հայկական բլոգերում ամենահայտնին է, առաջինը հայտարարեց դրա մասին՝ ստեղծելով նախադեպ»։

Արթուրի խոսքով՝ արտակարգ իրավիճակը հայկական բլոգոսֆերայի համար ծաղման շրջան էր։ Ովքեր մինչ այդ այնքան էլ ակտիվ չէին, բավական աշխուժացան, բազմաթիվ նոր բլոգեր իհայտ եկան։ Ստեղծվեցին նաեւ, այսպես կոչված, «սամիզդատ»-ներ՝ բլոգային տեխնոլոգիայով ու սկզբունքով գործող։ Լեւոն Տեր-Պետրոսյանին սատարող մի քանի բլոգերներ, հասկանալով, որ իրենց սեփական բլոգերում գրելով վտանգում են իրենց, սկսեցին անանուն կերպով հրապարակել «Պայքար» պարբերականը, որն իմիջիայլոց, տարածվում էր ողջ ինտերնետում։ Նաեւ «Մարտի 1»-ը, «Ինֆոարմենիա»-ն..»,-պարզաբանում է Արթուրը։ Նա համարում է, որ այդ ընթացքում հրաշքներ էր գործում «Ա1+»-ի բլոգը։ Այն վարում է Blansh բլոգային անվամբ հայտնի Շուշան Հարությունյանը։

Շուշանի գործը արտակարգ դրության պայմաններում մի քանի անգամ շատացել էր, թեեւ 20 օրերի ընթացքում «Ա1+»-ի բլոգը չէր թարմացվում։
«Երեկոյան՝ հրամագրի հրապարակումից հետո բլոգում հայտարարություն դրեցինք, որ արտակարգ դրություն է, ու մի գիշերում 850-ից ավելի արձագանք ստացանք։ Մենք տեղեկացրինք, որ չենք թարմացնի բլոգը, բայց դուք կարող եք օգտվել ձեր իրավունքից ու շարունակել քննարկումները։ Ու ես օրական մի քանի ժամ միայն մեկնաբանություններ էի կարդում, ջնջում հայհոյանքներ պարունակողները»,-պատմում է Շուշանը։

Նրա խոսքով՝ եթե մինչ այդ մեկնաբանությունների հատվածում քննարկում էին տեղադրված նյութերը, ապա արտակարգ իրավիճակում մարդիկ տեղեկություն էին փոխանակում, ոմանք նույնիսկ փնտրում էին իրենց հարազատներին։

Իսկ իր անձնական բլոգում Շուշանը նոր էջ էր բացել. «20 օր մեկ րոպե լռությամբ հարգենք» խորագրով ու գրել՝ լռություն։ «Հետաքրքիրն այն էր, որ մարդիկ, եղել է մինեւ 1000 հոգի, մտնում էին նայելու, թե ես ոնց եմ լռում։ Ու մեկնաբանություններ էին գրում՝ քաջալերում էին ինձ կամ հակառակը»։

«Ա1+»-ը շատ ակտիվ էր նաեւ YouTube-ում, ուր ունի իր ալիքը կամ վիդեոբլոգը։ Մարտի սկզբին այս ալիքը նույնիսկ հայտնվել է YouTube-ի ամենաշատ դիտվողների 20-յակում։

«YouTube-ը դարձավ ֆենոմեն, որի մասին բոլորը սկսեցին խոսել, իմանալ։ Նույնիսկ կառավարությունը հարկ համարեց ինտերնետով տարածվող վիդեոյի մասին ոստիկանության մակարդակով հերքում հրապարակել Հանրային հեռուստատեսությամբ»,-ասում է Արթուրը։ Իսկ YouTube-ն արգելափակելը նա համարում է մեծ խայտառակություն։

«Ես Անգլիայում էի այդ օրերի ու տեսնում էի, թե ինչպես է այդ լուրը տարածվում՝ «Հայաստանում փակել են YouTube-ը»։ Մինչ այդ լսում էինք, որ YouTube-ը փակ է Չինաստանում, Բիրմայում… Իսկ հետո նաեւ Հայատաստանում։ Այս լուրն ավելի մեծ արձագանք ունեցավ, քան, ասենք, մարտի 1-ի դեպքերը»։

Այս արտակարգ հանգամանքում օգնության հասան արգելքը շրջանցող ծրագրերը՝ www.anonymouse.org, www.freeproxyserver.ca …

Արտակարգ դրության ընթացքում նորաստեղծ բոլգերից մեկը գերազանցեց բոլոր ռեկորդներն ու մի օրում մոտ 800 արձագանք ստացավ։ Խոսքը վարչապետ Սերժ Սարգսյանի բլոգի մասին է, որտեղ մարդիկ հարցեր էին ուղղում վարչապետին։
Այս բլոգը բացել ու վարում է Ռուբեն Մուրադյանը՝ Uzogh բլոգերը։

«Հիմնական նպատակն էր բլոգերների հարցերը հասցնել վարչապետին, քանի որ նրանք փոքրաթիվ, բայց ինտելեկտուալ զանգված են»,-ասում է Ռուբենը։
Նրա խոսքով՝ Սերժ Սարգսյանը հեռուստատեսային հարցազրույցի համար խնդրել էր պատաստել ամենասուր 65 հարցերի ցուցակը, դրանց մեջ եղել են հայտնի բլոգերների հարցեր։ Մյուս հարցերի պատասխանները տրվելու են բլոգում։

«Հարցերի մեծ մասը մարտի 1-ի դեպքերի ու ներքաղաքական իրավիճակի մասին էին։ Կային նաեւ դիմում-բողոքներ, զվարճալի ու անհեթեթ հարցեր։ Դրանք կխմբավորվեն ու կտրվեն պատասխաններ»,-խոստանում է Ռուբենը։ Հեռուստատեսային հարցազրույցից անցել է ավելի քան 10 օր, բայց բլոգում առայժմ միայն եթերում հնչած հարցերն ու պատասխաններն են։
Ռուբեն Մուրադյանը նաեւ վստահեցրեց, որ վարչապետի բլոգը չի փակվի եւ կունենան «շատ հետաքրքիր ճակատագիր»։

Աղբյուրը` E-channel.am

Լուռ բողոքի ակցիան կայացավ

Մարտի 1-ի առավոտյան եւ երեկոյան տեղի ունեցած բախումների, դրան հետեւած արտակարգ դրության ժամանակ ձերբակալությունների դեմ, մարտի 1-ի զոհերի հիշատակին նվիրված բողոքի ակցիան կայացավ։E-channel-ի փոխանցմամբ, ոստիկանությունը նախօրոք հայտարարել էր, որ կազմակերպված սգո ակցիան արտոնված չէ։Դեռ ակցիայի սկզբից մի քանի ժամ առաջ Երեւանի Մյասնիկյանի եւ Շահումյանի արձանների մոտ, Ազատության հրապարակում կուտակվել էին ոստիկանական զորքերը՝ զինված պաշտպանիչ վահաններով եւ ռոտինե մահակներով։

Ակցիայի սկզբին՝ ժամը 17։00-ին, Հյուսիսային պողոտայում հավաքվել էին բողոքի ակցիայի մի քանի հազար մասնակիցներ։

Ժամը 17։10 մարդիկ մայթերով շարժվեցին դեպի Մյասնիկյանի արձանի մոտի հրապարակ։ Նրանցից շատերը իրենց հետ բերել էին վերջին օրերին կալանավորվածների լուսանկարները, ձեռքներին ունեին բաժակների մեջ դրված մոմեր:

Մաշտոցի պողոտայի Մարգարյան հիվանդանոցի մոտ գտնվող հատվածում մայթերով քայլող ակցիայի մասնակիցներին մոտեցան ոստիկանները՝ հայտարարելով՝ «Ձեր երթն արտոնված չէ, խնդրում ենք ցրվել»։ Ոստիկաններն արգելեցին ակցիայի մասնակիցներին առաջ շարժվել։ Մի տղամարդու՝ էլեկտաշոկի կիրառմամբ մտցրեցին ոստիկանական մեքենան եւ տարան։ Մոտ 15 րոպե անց Մաշտոցի պողոտայում բողոքի ակցիայի մասնակիցներ չէին մնացել։

«ԳԱԼԱ»-ի հեռուստամարաթոնից հետո հրկիզել են Լ.Բարսեղյանի վարած ավտոմեքենան

 Գյումրիում մարտի 20-ին ամբողջ օրը շարունակվում էր ԳԱԼԱ Հեռուստաընկերությանը ֆինանսապես աջակցելու դրամահավաք-մարաթոնը: Մարաթոնին մասնակցում են Հայաստանի մոտավաորապես 60 համայնքների բնակիչներ, այդ թվում վանաձորցիներ, երեւանցիներ, եղեգնաձորցիներ: Օրվա ընթացքում Յունիբանկից ստացվեցին մարտի 19-ի ընթացքում եւ մարտի 20-ին մինչեւ ժամը 14-ի դրությամբ դրամական փոխանցումների վիճակագրությունը: Մոտ 300 նվիրատուների ցուցակը ներկայացվում է այստեղ(մարտի 19) եւ այստեղ (մարտի 20, մինչեւ 14:00): Մարտի 20-ին ժամը 22:30-ի դրությամբ Հանգանակության հանրագումարային թիվը հասավ 11.673.570 դրամի, ինչը կազմում է «պահանջվող գումարի» 46,47 տոկոսը: 

Ժամը 21-ին մոտ, հյուևրընկալվելով Գյումրու «Շանթ» հեռուստաընկերությունում, Գյումրու քաղաքապետ  Վարդան Ղուկասյանը գյումրեցիներին հորդորել է չմասնակցել դրամահավաք մարաթոնին, ասելով թե իրենց դիտավորյալ քամում են ու դատարկում: Այս պարոնը ԳԱԼԱ ՀԸ պաշտպանության մարաթոնին իր համեստ միջոցներով մասնակցելու փոխարեն իր խելքով բոլորին «բացատրում էր», թե ԳԱԼԱ-ն ՀՀՇ-ից փողերը ստացել է ու հիմա, խաբելով բոլորին դրամահավաք է անում:

Հաղորդման ավարտից 40 րոպե հետո, գիշերը ժամը 1:05-ին, եւ Ժուռնալիստների «Ասպարեզ» ակումբի գրասենյակ էր վերադարձել  Լ.Բարսեղյանը, եւ այստեղ էին երկու հերթապահները, 2 անհայտ անձինք, բենզինը լցնելով ակումբի այն մեքենայի վրա, որով Խորհրդի նախագահը ժամանել էր գրասենյակ, հրդեհեցին այն եւ փախան: Մեկը կրեմագույն բաճկոնով էր, մյուսը` սեւ: Հրդեհումը տեւել է մոտ 10 վայրկյան: Հերթապահները այդ պահը տեսել են հսկիչ մոնիտորով եւ անմիջապես դուրս վազել հրդեհը հանգցնելու: Լ.Բարսեղյանը 1:06-ին ահազանգել է ոստիկանություն ու միացել հրշիջման աշխատանքներին: Մեքենան հրդեհվել է եւ բենզինի բաքի կողմից եւ շարժիչի կողմից, ենթադրաբար 1-2 լիտր բենզինի միջոցով: Արագ միացված ակումբի ջրի պոմպի եւ ռետինե խողովակի միջոցով, ավելի քան 20 րոպե ակումբի աշխատակիցները հանգցնում էին կրակը, որը բորբոքվել էր հատկապես շարժիչի մասում` փակ կապոտի տակ եւ անցնում էր սալոն:

Ահազանգից 20 րոպե անց` 1:26-ին ժամանեցին ոստիկանները եւ եւս 2 րոպեից` հրշեջները: Այդ պահին հնարավոր էր եղել արդեն հրդեհից փրկել մեքենայի սալոնը, փաստաթղթերը, թափքը եւ պահախուցը: Հրշեջները եւ փրկարարները ջրի շիթով մոտ 15 րոպե սառեցնում էին շարժիչն ու ապարդյուն ջանքերով փորձում ուժով բացել կապոտը: Չունենալով համապատասխան գործիքներ, լինգերով եւ մի փականագործական բանալիով բացեցին այն ու հրդեհը վերջնականապես հանգցրին:

Ավելի ուշ ժամանեցին փորձագետները եւ համապատասխան արձանագրություններ կազմեցին: Հրկիզված մեքենան պատկանում է Ակումբի նախագահ Նադեժդա Հակոբյանին, որի թույլտվությամբ արդեն մոտ 1 շաբաթ է մեքենան վարում էր Լ.Բարսեղյանը. վերջինիս մեքենան նորոգվում էր: Հասցված վնասը, նախնական գնահատմամբ կազմում է մոտ 900.000 դրամ: Լուսանկարներ >>>

ԳԱԼԱ ՀԸ եւ Խոսքի ազատության պաշտպանության Մարաթոնը, այսպիսով նոր զարգացումներ է ստանում, այս հրավառությունը պատահական չէ, Լ.Բարսեղյանի համոզմամբ ուղղակի կապ ունի ինչպես ԳԱԼԱ ՀԸ պաշտպանության, այդ եւ այլ առիթներով իշխանությունների հասցեին նրա հնչեցրած կոշտ քննադատության, հունվարի 18-ի գիշերը Ակումբի պատուհանի հրդեհման եւ մի քանի անգամ հեռախոսային ահազանգերով իր եւ ակումբի հասցեին հնչեցված ահաբեկումների հետ:

Անկախ ամեն ինչից Լ.Բարսեղյանը, Խոսքի ազատության եւ ԳԱԼԱ ՀԸ պաշտպանության շտաբը շարունակում են Մարաթոն-դրամահավաքը եւ հայտարարում` «Ռեժիմը չի հաջողելու ԳԱԼԱ ՀԸ փակել, նահանջի տեղ չկա. NO PASARAN»:

Ռոբերտ Քոչարյանն ասել է, որ արտակարգ դրությունը չի երկարաձգվի

«Արտակարգ դրությունը երկարաձգելու ոչ մի պատճառ չեմ տեսնում», - ինչպես տեղեկացնում է «Արմինֆո»-ն, այսօր մամլո ասուլիսում հայտարարել է Հայաստանի նախագահ Ռոբերտ Քոչարյանը: Դա Ռոբերտ Քոչարյանի վերջին հանդիպումն էր լրագրողների հետ` որպես պետության ղեկավար:

Նրա ասելով, անցած 20 օրերը ցույց տվեցին, որ արտակարգ դրություն հայտարարելու որոշումը ճիշտ էր, քանի որ դա օգնեց խուսափել մարտի 1-ից հետո իրադարձությունների ավելի ծանր հետևանքներից: Միայն դրանից հետո իրավիճակն սկսեց շտկվել, իսկ կյանքը` մտնել բնականոն հուն: Ընդ որում, բնակչության ճնշող մեծամասնությունն ըմբռնումով է ընկալել այդ որոշումը: Պետության ղեկավարը նաև նշել է, որ անցած 20 օրերի ընթացքում ոչ մի միջադեպ չի դիտվել, Ոստիկանության և բանակի ներկայացուցիչները, իրականացնելով արտակարգ դրությանն առնչվող միջոցառումներ, դրսևորել են զսպվածություն, իսկ արտակարգ դրության ռեժիմը երկու անգամ մեղմվել է: «Իմ խնդիրն է ներկայիս կայունությունը հասցնել այն մակարդակին, որ գոյություն ուներ մինչև նախագահական ընտրությունները, որպեսզի նոր նախագահին հանձնեմ կայուն երկիր», - ասել է Ռոբերտ Քոչարյանը:

Ազատ խոսքն Հայաստանում արժե 25.665.100 դրամ

2007 թվականի հոկտեմբերի 14-ից Գյումրու ԳԱԼԱ (Գյումրու անկախ լրատվական ալիք) Հեռուստաընկերության դեմ մեկնարկած ՀՀ իշխանական գերատեսչությունների նախաձեռնած վարչական պատերազմը մոտենում է իր հանգուցալուծմանը եւ Հայաստանում մնացած այս վերջին անկախ հեռուստատեսությանը շուտով կպարտադրեն վճարել 25 միլլիոն դրամ` ազատ խոսքի իր սահմանադրական իրավունքն օգտագործելու համար:

Այս առիթով Խոսքի ազատության եւ ԳԱԼԱ ՀԸ Պաշտպանության շտաբը տարածել է հետեւյալ աջակցության կոչը` ուղղված բոլոր նրանց, ում համար թանկ է Խոսքի Ազատությունը.

Հարգելի Ժողովուրդ, ԳԱԼԱ Հեռուստաընկերությանը Հայաստանի տարբեր մարզերից եւ արտասահմանից աջակցելու համար հեռուստաընկերության հիմնադրի անունով բացվել են բանկային հաշվեհամարներ, որոնք ներկայացվում են ստորեւ.

Դրամական հաշվի համար
Վահան Խաչատրյան
«ՅՈՒՆԻԲԱՆԿ» ՓԲԸ, «ԳՅՈՒՄՐԻ» Մասնաճյուղ,
հ/հ 2410 3101 2610

For transfers in USD
Intermediary Bank: Deutsche Bank Trust Company Americas, New York
SWIFT: BKTR US 33
Beneficiary’s bank:
UNIBANK, Armenia, SWIFT: UNIJ AM 22
Acc: 0443 7920
“UNIBANK” CJSC GYUMRI BRANCH
Beneficiary: Khachatryan Vahan
Account: 2410 3111 2618

Չնայած այն հանգամանքին, որ դրամահավաքի կոչը տարածվել է մարտի 17-ի առավոտնից, Խոսքի ազատության եւ ԳԱԼԱ ՀԸ պաշտպանության շտաբը եւ Հեռուստաընկերություն տնօրինությունը արդեն մի քանի հարյուր հեռախոսազանգ են ստացել աջակցության պատրաստակամություն հայտարարություններով:

´³ÝϳÛÇÝ ÷á˳ÝóáõÙÝ»ñÇ »õ å³ñïùáí ¹ñ³Ù³Ï³Ý ûųݹ³ÏáõÃÛ³Ý Ñ³Ù³ñ ѳñϳíáñ ¿ ½³Ý·³Ñ³ñ»É Ñ»éáõëï³ÁÝÏ»ñáõÃÛáõݪ Ñ»ï»õÛ³É Ñ»é³Ëáë³Ñ³Ù³ñÝ»ñáí. +374 312 31819, +374 312 31889, ϳ٠½³Ý·³Ñ³ñ»É áõÕÇÕ ¶²È² лéáõëï³ÁÝÏ»ñáõÃÛ³Ý ÑÇÙݳ¹Çñ ì³Ñ³Ý ʳã³ïñÛ³ÝÇÝ Ñ»ï»õÛ³É µçç³ÛÇÝ Ñ»é³Ëáë³Ñ³Ù³ñáí. + 374 91 43 55 63:  

Հիշեցնեմ, որ ՀՀ գործադիր իշխանության մի քանի ճյուղերը (ՀՀ Նախագահի աշխատակազմի, ՀՀ Ազգային անվտանգության ծառայության Շիրակի մարզային եւ Գյումրու քաղաքային բաժինների, ՀՀ կառավարությանն առընթեր Հարկային պետական ծառայության օպերատիվ հետախուզության վարչության եւ նույն ծառայության աշխատակազմի Գյումրու հարկային տեսչության, ՀՀ Հեռուստատեսության եւ ռադիոյի ազգային հանձնաժողովի պաշտոնյաները) աննախադեպ ճնշումներ սկսեցին բանեցնել ԳԱԼԱ ՀԸ նկատմամբ անմիջապես այն բանից հետո, երբ հեռուստաընկերությունը, Հայաստանում լինելով միակը՝ 2007 թվի հոկտեմբերի 14-ին եթեր հեռարձակեց ՀՀ առաջին նախագահ Լ.Տեր-Պետրոսյանի տասնամյա լռությունից հետո 22 րոպե տեւած առաջին հրապարակային քաղաքական ելույթը՝ արտասանած 2007 թվի սեպտեմբերի 21-ին՝ Մարիոտ-Արմենիա հյուրանոցում: