March 19, 2007
«սկսել ա», ֆլեշ-մոբ, Երևան, Հայաստանի Հանրապետություն, Օննիկ Կրիկորյան, ՏԶԿ/ԹԻ-Հայաստան 2007
ՏԶԿ / ԹԻ-Հայաստան Ընտրությունների Մոնիտոր 2007 հաղորդում է երիտասարդ ակտիվիստների խմբի կողմից կազմակերպված Flash Mob միջոցառման մասին.
[…]Կանգնած Երևանի Օպերայի շենքի դիմացի խաչմերուկի ամեն մի կողմում, ինչպես նաև շրջանաձև շարված փողոցի կենտրոնական մասում` մասնակիցները, ամեն մեկը իր համար, բարձրաձայն թերթ էին կարդում: Նրանք նաև կրում էին թերթից պատրաստված գլխարկներ: Այս ամենի աղմուկն ու տեսարանը բավականին անիրական ու անսպասելի էր անգամ այսօրյա Հայաստանի համար:
Նաև բաժանվեցին թերթիկներ, որոնց հարցադրումները այսպիսին էին. «Մտածի` գո՞հ ես քեզանից, կողքինիցդ, մեղավո՞ր ես, թե չէ, վախու՞մ ես, թքած ունե՞ս»:[…]
No Comments » | 
Դեմոկրատիա, Միջոցառումներ, Քաղաքացիական հասարակություն | 
Permalink
Posted by Observer
March 19, 2007
ՏԶԿ / ԹԻ-Հայաստան Ընտրությունների Մոնիտոր 2007 բլոգը ներկայացնում է Մարտի 16-ին Մատենադարանի հրապարակում տեղի ունեցած Այլընտրանքի հանրահավաքի մանրամասները.
Այսօր Երևանում` Մատենադարանի առջև, տեղի ունեցավ «Այլընտրանք» հասարակական-քաղաքական նախաձեռնության հերթական հանրահավաքը: Հանրաավաքը գրավել էր ընդամենը մի քանի հարյուր մարդու, և բազմությունն ավելի փոքրաթիվ էր, քան նախորդ` առանց այդ էլ փոքրաթիվ բացօթյա հավաքի ժամանակ, որը տեղի ունեցավ փետրվարի 20-ին Ազատության հրապարակում: «Ա1+»-ը այն մի քանի ԶԼՄ-ներից է, որ հաղորդել են հանրահավաքի մասին:
Բլոգը նաև քննարկում է միջազգային կազմակերպություններում (ՄԱԿ-ում) աշխատող այն երիտասարդ ակտիվիստների խնդիրը, ում աշխատանքից հեռացնելու սպառնալիքով UNDP-ն պահանջում է թողնել ստանձնած քաղաքական պարտավորությունները (ՄԻԱԿ), իսկ Արամազդ Ղալամքարյանը (որը ի դեպ նաև բլոգեր է), փաստացիորեն հեռացվել է աշխատանքից.
Այսօրվա միջոցառումը հետաքրքրական էր նրանով, որ ՏԶԿ/ԹԻ-Հայաստանը հնարավորություն ունեցավ խոսել տեղացի բլոգեր և «Այլընտրանք»-ի ակտիվիստ Արամազդ Ղալամքարյանի հետ: Մինչ վերջերս Ղալամքարյանը Հայաստանում ՄԱԿ-ի զարգացման ծրագրի (UNDP) տեղեկատվության պաշտոնակիցն էր այնքան ժամանակ, մինչ իր քաղաքական ակտիվությունը հանգեցրեց իր պաշտոնից հեռացվելուն: Վերջին օրերին Երևանում ԶԼՄ-ների չհրապարակված լուրեր, ասեկոսեներ և սադրանքներ էին տարածվել նրա հեռացման մասին:
No Comments » | Բողոքի ցույց, Դեմոկրատիա, Ընդդիմություն, Ընտրություններ, Կուսակցություններ, Հանրահավաքներ, Միջազգային հանրություն | Permalink
Posted by Observer
March 19, 2007
«Դեռ խորհրդարանական ընտրություններին երկու ամիս ժամանակ կա, սակայն արդեն իսկ կարելի է պնդել, որ Հայաստանի քաղաքական դաշտը սպառվել է»: Չնայած նրան, որ անցյալ ընտրությունների արդյունքում հասարակական հուզումներ տեղի ունեցան, այնուամենայնիվ քաղաքական դաշտը որակական աճ չարձանագրեց: Հակառակը, 2003-2004 թվականների գործընթացները հանգեցրեցին ընդդիմության տարրալուծմանը, եւ հասարակությանը դուրս մղեցին քաղաքական կյանքից, ինչի վառ օրինակը հանդիսացան սահմանադրական հանրաքվեի շուրջ ծավալված զարգացումները» (Kornelij Glas)։ Երկու շաբաթ առաջ իր կատարած այս անալիզից հետո հերթական լուրջ վերլուծությունն է ներկայացնում Kornelij Glas-ը, ընդ որում ակնհայտ է, որ դրական փոփոխություններ չկան և չեն էլ սպասվում։ Kornelij-ի հետևյալ երկու եզրաիկացությունները հարկ եմ համարում հրապարակել այստեղ.
Այսպիսով, կարելի եզրակացնել, որ ստեղծված իրավիճակում, երբ քաղաքական վերնախավում տիրում է գաղափարային դատարկություն, դժվար է ակնկալել, որ ընտրությունները, անկախդրանց արդյունքներից, որեւէ փոփոխություններ կարող են բերել Հայաստանին:
Մյուս կողմից հասարակությունում իշխող անտարբերությունը չի խթանում իրական քաղաքական ակտիվություն, եւ ընտրությունները վերածվում են պարզ քաշքշուկի: Ամենայն հավանականությամբ գալիք ընտրությունները կհանգեցնեն նոր գաղափարային սղաճի եւ հասարակական հիասթափության: Ստեղծված քաղաքական դատարկության բացասական ազդեցությունը եւ վակուումի ստեղծումը կարող են խթանել հասարակությանը, եւ մոտ ապագայում կարող են երեւան գալ նոր գաղափարներ կրող ուժեր: Ստեղծված քաղաքական դաշտը արդեն չի համապատասխանում հասարակությանը՝ դրանք շարժվում են տարբեր ուղղություններով: Քաղաքական ուժերը իրենց մղել են ինքնապարփակ մի վիճակի, ուր հասարակության մեծամասնության համար տեղ չկա:
Մինչ Kornelij-ն կանխատեսում է նոր քաղաքական ուժի ի հայտ գալը, Bekaisa քննարկում է նմանօրինակ նոր ուժերից մեկին՝ նորահայտ ՄԻԱԿ կուսակցությանը, նշելով, որ ՄԻԱԿ-ը ստեղծվել է լուծելու հետևյալ կոնկրետ խնդիրները.
1. забить нишу энергичного артурика, которого так любили на западе
2. в какой-то мере забить либеральную нишу
3. почти полностью забить молодежную нишу, так как другие проекты как уриханян, каюнутюн и пр были слишком топорными и себя не оправдали
4. выставить всех остальных молодых и либеральных в качестве “маргиналов”(c) и городских сумасшедших.
5. иметь «конструктивную» и молодую оппозицию, которая знает кучу полезных слов типа «структура», «система» и «механизм».
6. допишите сами J))
Kornelij Glas-ի և Bekaisa-ի ամբողջական հոդվածներին կարող եք ծանոթանալ այստեղ և այստեղ։
No Comments » | Uncategorized | Permalink
Posted by Observer
